Jermeyn Defo \"Uoking\" bosh murabbiyligidan ketdi
Angliya terma jamoasining sobiq hujumchisi va Londonning "Tottenhem" klubi afsonalaridan biri Jermeyn Defo "Uoking" bosh murabbiyligi lavozimini tark etdi.
Tomonlar o‘zaro kelishuv asosida hamkorlikni yakunlaganini rasman e'lon qildi. Shu tariqa, Defo klubdagi ilk bosh murabbiylik faoliyatini atigi 116 kundan so‘ng yakunladi.
43 yoshli mutaxassis 2026-yil mart oyida "Uoking" bosh murabbiyi etib tayinlangandi. Uning qo‘l ostida jamoa oltita rasmiy uchrashuv o‘tkazib, ikki g‘alaba, uch durang va bir mag‘lubiyat qayd etdi hamda mavsumni Angliya Milliy ligasida 10-o‘rinda yakunladi.
Jermeyn Defo o‘z bayonotida bunday qarorga kelishiga klubdagi vaziyat sabab bo‘lganini bildirib, faoliyatini davom ettirish "imkonsiz" bo‘lib qolganini ta'kidladi. "Uoking" rahbariyati esa mutaxassisga qilgan mehnati uchun minnatdorlik bildirib, uning keyingi faoliyatiga omad tiladi.
