Jeremi Doku oʻgʻil farzandli boʻldi
«Manchester Siti» va Belgiya terma jamoasi vingeri Jeremi Dokuning oilasida oʻgʻil farzand dunyoga keldi. Bu haqda Belgiya milliy jamoasining X ijtimoiy tarmoqdagi rasmiy sahifasida maʼlum qilindi.
«Jeremi Doku va uning oilasini toʻngʻich oʻgʻlining tugʻilishi bilan tabriklaymiz! Shifokorlarimizdan birining ruxsati va hamrohligida Jeremi ushbu unutilmas voqea sababli Londonga, rafiqasining yoniga uchib ketdi. Jeremi ertaga Yangi Zelandiyaga qarshi oʻyinga tayyorgarlik koʻrish uchun Sietldagi terma jamoa qarorgohiga qaytib keladi», — deyiladi Belgiya terma jamoasi xabarida.
Guruh bosqichi oʻyinlari 11-iyundan 27-iyungacha davom etadi. Jamoalar bir davrada oʻzaro bahs olib borishadi — har bir jamoa uchtadan uchrashuv oʻtkazadi. Pley-off bosqichiga har bir guruhdan ikkitadan eng yaxshi jamoa hamda uchinchi oʻrinni egallagan eng yaxshi sakkizta jamoa yoʻllanma oladi.