Jeko Fransiya chempionatiga yo‘l olishi mumkin

"Parij" "Fiorentina" hujumchisi Edin Jekoga qiziqish bildirmoqda, deya xabar bermoqda Fransiyaning L’Equipe nashri.

Manbaga ko‘ra, parijliklar allaqachon 39 yoshli bosniyalik bilan muzokara o‘tkazgan. Ehtimoliy transfer borasida suhbatlashishgan. Klub bosh murabbiyi Jeko bilan avvaldan tanish bo‘lgani sababli uni “Parij” safida ko‘rmoqchi.

Transfermarkt portali futbolchining narxini 1,5 million yevroga baholamoqda. Futbolchining amaldagi shartnomasi 2026 yilning iyunigacha mo‘ljallangan.

Joriy mavsumda Jeko barcha musobaqalarda 18 ta o‘yinda 2 ta gol urdi.

Roziqjon Sultonmurodov

Jurnalist