JCH-2026. Yaponiya Tunisni yirik hisobda mag'lub etdi
2026 yilgi Jahon chempionatining “F” guruhidan o‘rin olgan Tunis va Yaponiya terma jamoalari o‘rtasidagi uchrashuv yakunlandi. Unda “quyosh chiqadigan yurt” vakillari 4:0 hisobida g‘alaba qozondi.
Hisob o‘yin 6-daqiqasida yarim himoyachi Daiti Kamada tomonidan ochildi. 31-daqiqada hujumchi Ayase Ueda yaponlarning ustunligini ikki baravarga oshirdi.
Ikkinchi bo‘limda ham Osiyo vakillari tashabbusni qo‘ldan bermadi. 69-daqiqada Junya Ito jamoasining uchinchi golini kiritdi. Uchrashuvga nuqtani esa 83-daqiqada Ayase Ueda qo‘ydi va dubl muallifiga aylandi. Shu tariqa, Yaponiya Tunisni 4:0 hisobida mag‘lub etib, muhim uch ochkoni qo‘lga kiritdi.
Eslatib o‘tamiz, “F” guruhining birinchi turida Tunis Shvetsiyaga 1:5 hisobida imkoniyatni boy bergan edi. Yaponiya esa Niderlandiya bilan 2:2 hisobida durang qayd etgan.
