JCH-2026. Shveysariya Jazoirni mag‘lub etib, keyingi bosqichga yo‘l oldi
JCH-2026 musobaqasining 1/16 final bosqichidan o‘rin olgan navbatdagi uchrashuv o‘z nihoyasiga yetdi. Shveysariya hamda Jazoir milliy jamoalari o‘zaro kuch sinashdi va unda yevropaliklar ishonchli g‘alabani qo‘lga kiritdi.
O‘yinning dastlabki daqiqalarida afrikaliklar biroz faollik ko‘rsatib, ketma-ket hujumlar tashkil etdi. Biroq hisobni yevropaliklar ochdi — 10-daqiqadayoq Bril Embolo raqib darvozasini ishg‘ol qilib, jamoasini oldinga olib chiqdi.
Ikkinchi taym ilk daqiqasidayoq Dan Ndoye Shveysariyaning ikkinchi goliga mualliflik qildi va oradagi farqni yanada oshirdi.
Shveysariya musobaqaning chorak final yo‘llanmasi uchun Kolumbiya hamda Gana milliy jamoalari o‘rtasidagi o‘yin g‘olibiga qarshi maydonga tushadi. Mazkur uchrashuv 8-iyul kuni bo‘lib o‘tishi belgilangan.
Jahon chempionati. 1/16 final
Shveysariya — Jazoir 2:0
Gollar: 1:0 — Bril Embolo (10), 2:0 — Dan Ndoye (46).
