JCH-2026 saralashi. Kolumbiya, Paragvaydan g‘alaba, Urugvay durang o‘ynadi

Janubiy Amerika qit'asida 2026 yilgi jahon chempionati saralash bosqichi nihoyasiga yetdi.

Kolumbiya safarda Venesuela bilan bahs olib bordi. Uchrashuvda jami 9 ta gol urildi. “Sporting” hujumchisi Luis Suares pokerga erishdi.

Paragvay esa Peruning maydonida 1:0 hisobida zafar quchdi. Chili va Urugvay o‘rtasidagi bahsda esa hisob ochilmadi.

Shu tariqa, KONMEBOLdan 2026 yilgi mundialga Argentina, Ekvador, Kolumbiya, Urugvay, Braziliya va Paragvay yo‘l oldi. Boliviya esa pley-offda ishtirok etadi.

JCH-2026 saralashi. KONMEBOL
18-tur. 9 sentyabr
Venesuela — Kolumbiya 3:6
Gollar: Segoviya (3), Martines (12), Rondon (76) — Mina (10), Suares (42, 50, 59, 67), Kordoba (78).

Chili — Urugvay 0:0

Peru — Paragvay 0:1
Gol: Galarza (78).

Roziqjon Sultonmurodov

Jurnalist