JCh-2026 saralashi. Fransiya Ukrainani magʻlub etib, muddatidan avval mundial yo'llanmasini qoʻlga kiritdi
Uchrashuvdagi barcha gollar ikkinchi boʻlimda kiritildi.
FOTO: Getty Images
JCh-2026 saralash bosqichidan oʻrin olgan bahsda Fransiya oʻz maydonida Ukrainani qabul qilib, yakunda yirik 4:0 hisobida gʻalaba qozondi.
Uchrashuvda Kilian Mbappe dubl qayd etgan boʻlsa, Maykl Olise va Ugo Ekitike ham oʻz nomini tabloga yozdirib qoʻydi.
Shu tariqa, Fransiya besh turdan soʻng «D» guruhida 13 ochko bilan birinchi oʻrinda bormoqda va muddatidan avval mundial yo'llanmasi naqd qildi. Ukraina esa 7 ochko bilan ikkinchi oʻrinda bormoqda.
JCh-2026 saralashi. «D» guruhi, 5-tur
Fransiya — Ukraina 4:0
Gollar: Mbappe (55, 83), Olise (76), Ekitike (88).
Nasrullo Karimov
Jurnalist
