JCh-2026. Niderlandiya Tunisni mag‘lubiyatga uchratib, guruhda 1-o'rinni egalladi
Jahon chempionati guruh bosqichining 3-turi doirasida Tunis hamda Niderlandiya terma jamoalari o‘rtasidagi uchrashuv bo’lib o’tdi. Bahsda niderlandiyaliklar 3:1 hisobidagi g‘alabani qo‘lga kiritdi.
Uchrashuv taqdiri asosan birinchi bo‘limdayoq oydinlashdi. O‘yinning 3-daqiqasidayoq Tunis terma jamoasi a’zosi Elyes Sxiri o‘z darvozasiga to‘p kiritib qo‘yib, jamoasini qiyin ahvolga soldi. 7-daqiqada Virjil van Deykning uzatmasidan so‘ng Brayan Brobbey raqib darvozasini aniq nishonga oldi.
Ikkinchi bo‘limda Tunis terma jamoasi vaziyatni o‘nglashga qattiq kirishdi. Buning natijasida uchrashuvning 54-daqiqasida Hazem Masturi raqib darvozasini ishg‘ol qilib, hisobdagi farqni qisqartirishga muvaffaq bo‘ldi. Ammo 62-daqiqada Yan Pol van Hekke yevropaliklarning uchinchi golini kiritdi.
Ma’lumot uchun, ushbu g‘alabadan so‘ng Niderlandiya «F» guruhida peshqadamga aylanib, Jahon chempionatining pley-off bosqichiga yo‘l oldi.
