JCH-2026. Germaniya Kyurasao bilan oson g‘alabaga erishdi
Jahon chempionatining E guruhi 1-turidan o‘rin olgan Germaniya va Kyurasao terma jamoalari o‘rtasidagi bahsda yirik hisob qayd etildi. Yevropaliklar musobaqa debyutantini 7:1 hisobida mag‘lubiyatga uchratishdi.
6-daqiqada Feliks Nmecha hisobni ochib, Germaniyani oldinga olib chiqdi. 21-daqiqada Livano Komnenensiya muvozanatni tikladi. 38-daqiqada Niko Shlotterbek nemislarni yana hisobda oldinga olib chiqdi. Birinchi bo‘limga qo‘shib berilgan 5-daqiqada Kay Haverts penaltini aniq amalga oshirib, hisobni 3:1 ko‘rinishiga keltirdi.
47-daqiqada Jamol Musiala Germaniyaning to‘rtinchi golini urdi. 68-daqiqada Nataniyel Braun bundestimning beshinchi goliga mualliflik qildi. 78-daqiqada esa Deniz Undav o‘z nomini tabloga yozdirib, hisobni 6:1 ga yetkazdi.
Uchrashuvning 88-daqiqasida Kay Haverts o‘zining ikkinchi, Germaniyaning esa yettinchi golini kiritdi va hisob 7:1 ko‘rinishiga yetdi.
Jahon chempionati–2026. E guruhi, 1-tur
Germaniya – Kyurasao – 7:1
Gollar: Nmecha, 6 (1:0), Komnenensiya, 21 (1:1), Shlotterbek, 38 (2:1), Haverts, 45+5 pen. (3:1), Musiala, 47 (4:1), Braun, 68 (5:1), Undav, 78 (6:1), Haverts, 88 (7:1).
