JAR ustozi jamoani Jahon chempionatiga olib chiqqan eng keksa murabbiyga aylandi
Ugo Broos futbol boʻyicha Jahon chempionatlari tarixiga kirdi.
FOTO: Getty Images
Janubiy Afrika Respublikasi (JAR) terma jamoasini boshqarayotgan belgiyalik mutaxassis Ugo Broos Jahon chempionati oʻyiniga jamoani olib tushgan tarixdagi eng yoshi katta murabbiyga aylandi. U ushbu natijani 74 yoshu 62 kunligida qayd etdi.
Broos germaniyalik mutaxassis Otto Rexagelning (71 yoshu 317 kun) koʻrsatkichini yangiladi. Ayni daqiqalarda JAR terma jamoasi «A» guruhi 1-turi doirasida Meksikaga qarshi maydonda toʻp surmoqda.
Broosning 2026 yilgi dunyo birinchiligidagi ushbu rekordini Chexiya terma jamoasi bosh murabbiyi, sentyabr oyida 75 yoshni qarshilaydigan Miroslav Koubek hamda Kyurasao milliy terma jamoasini boshqarayotgan Rossiya terma jamoasining sobiq ustozi Dik Advokat yangilashi mumkin.
Nasrullo Karimov
Jurnalist