JAR terma jamoasi yarimhimoyachisi Txemba Zvane uchta o‘yinga diskvalifikatsiya qilindi
Janubiy Afrika Respublikasi (JAR) milliy terma jamoasi yarimhimoyachisi Txemba Zvane JCh-2026 guruh bosqichining 1-turidan o‘rin olgan Meksikaga qarshi uchrashuvdagi (0:2) chetlatish sababli uchta o‘yinga diskvalifikatsiya qilindi. Bu haqda Globo nashri xabar bermoqda.
36 yoshli futbolchi mazkur uchrashuvning 61-daqiqasida zaxiradan maydonga tushgan edi. Biroq oradan 23 daqiqa o‘tib, Meksika terma jamoasi yarim himoyachisi Roberto Alvaradoga qarshi qo‘pol harakat qilgani uchun maydondan chetlatildi. Zvane raqibining yuz qismiga qo‘li bilan zarba bergan.
Shu tariqa, Txemba guruh bosqichining qolgan qismidagi Chexiya va Janubiy Koreya terma jamoalariga qarshi o‘yinlarni o‘tkazib yuboradi. Shuningdek, JAR terma jamoasi keyingi bosqichga yo‘llanma olgan taqdirda ham, u pley-offning dastlabki bahsida maydonga tusha olmaydi. Ayni paytda JAR jamoasi bitta uchrashuvdan so‘ng ochko jamg‘ara olmagan holda «A» guruhida so‘nggi, to‘rtinchi o‘rinni egallab turibdi.
