JAR terma jamoasi futbolchisi Jeyden Adams 25 yoshida vafot etdi
JAR terma jamoasi va "Mamelodi Sundowns" klubi markaziy yarim himoyachisi Jeyden Adams 25 yoshida vafot etdi. Futbolchining o‘lim sababi hozircha ma’lum qilinmagan.
Adamsning murabbiyi Brendin Jonson uning oilasi nomidan bayonot berib, yaqinlari chuqur qayg‘uda ekanini ma’lum qildi.
"Hali ham bu voqeaga ishonish qiyin, dard juda yangi. Oila hozir hech kim bilan gaplashishga tayyor emas, shuning uchun ularning tinchligini hurmat qilishingizni so‘raymiz. Bu o‘lim barchani larzaga soldi. U endigina jahon chempionatidan qaytgan edi.
Payshanba kuni u bilan suhbatlashgandim. U juda yaxshi kayfiyatda edi, turnirdan keyin uyiga qaytganidan xursandligini aytgandi. KAF Chempionlar ligasi g‘olibi sifatida oldinga intilishga tayyor edi. U bor vaqtini oilasi bilan o‘tkazishga harakat qilardi.
Menda buni ifoda etish uchun so‘z yo‘q. Ha, afsuski, uning vafot etganini tasdiqlayman. Bunday voqeani hech kim kutmagan edi," — dedi Jonson Soccer Laduma portaliga.
Jeyden Adams 2026 yilgi jahon chempionatida Janubiy Afrika Respublikasi terma jamoasi safida uchta uchrashuvda maydonga tushdi.
U o‘tgan mavsumda "Mamelodi Sundowns" bilan Afrika Chempionlar ligasi g‘olibligini qo‘lga kiritgan edi.
