JAR Jahon chempionati pley-off bosqichiga chiqqan Afrikaning yettinchi jamoasi boʻldi
Janubiy Afrika Respublikasi terma jamoasi Jahon chempionati tarixida pley-off bosqichiga yo‘l olgan yettinchi Afrika terma jamoasi sifatida tarixga kirdi.
Guruh bosqichining so‘nggi turida Janubiy Koreyani 1:0 hisobida mag‘lub etgan JAR ilk bor mundialning pley-off bosqichiga chiqishga muvaffaq bo‘ldi.
Shu tariqa, JAR Kamerun, Nigeriya, Senegal, Gana, Jazoir va Marokashdan keyin Jahon chempionatlarida pley-off bosqichiga chiqqan yettinchi Afrika terma jamoasiga aylandi.
Ma’lumot uchun, Janubiy Afrika Respublikasi terma jamoasi bungacha 1998, 2002 va 2010-yilgi Jahon chempionatlarida ishtirok etgan, biroq biror marta ham guruh bosqichidan chiqa olmagandi. 2026-yilgi mundialda esa ular o‘z tarixida ilk bor pley-off yo‘llanmasini qo‘lga kiritdi.
