Janni Infantino Donald Trampning nima sababdan JCh-2026 o‘yinlariga kelmayotganini tushuntirdi
FIFA prezidenti Janni Infantino AQSh prezidenti Donald Tramp nima uchun futbol bo‘yicha JCh-2026 uchrashuvlariga tashrif buyurmayotganiga oydinlik kiritdi.
— Ha, biz muntazam ravishda aloqada bo‘lib turibmiz. Deyarli har kuni. U turnirdan mamnun va undan katta zavq olmoqda. Barcha o‘yinlarni televizor orqali tomosha qilyapti.
— U nima uchun haligacha stadionda ko‘rinish bermadi? Xavfsizlik bilan bog‘liq masalalar haddan tashqari ko‘pmi?
— Yo‘q, yo‘q. O‘ylashimcha, uning shunchaki boshqa qiladigan ishlari ham bor… Agar u stadionga kelsa, odamlar: «Dunyoda shuncha voqealar sodir bo‘layotgan bir paytda u stadionda nima qilyapti?» deb so‘ray boshlashadi. Men u va uning administratsiyasi bilan doimiy aloqadaman. Mening fikrimcha, uning jamoasi Jahon chempionatini tashkil etish ishlarini a’lo darajada uddalamoqda, — deya Infantinoning so‘zlarini keltirmoqda Bluewin nashri.
Ma’lumot uchun, 2026-yilgi Jahon chempionati 11-iyundan 19-iyulga qadar AQSh, Kanada va Meksika hududlarida bo‘lib o‘tmoqda. Final uchrashuvi Ist-Raterfordda (AQSh) o‘tkaziladi. Amaldagi chempion Argentina terma jamoasi hisoblanadi.
