Jamshid Boltaboyev “Andijon” sharafini himoya qiladi
“Andijon” matbuot xizmati navbatdagi transferni eʼlon qiladi!
"Muxlislar mehrini qozongan yarim himoyachi Jamshid Boltaboyev bilan shartnoma imzolandi.
Maʼlumki, futbolchi joriy mavsumni “Neftchi”da boshladi va ikkinchi davrada “Navbahor”da toʻp surdi.
Maʼlumot uchun, Jamshid 1996-yilning 3-oktyabr sanasida Toshkentda tavallud topgan. 2014-yildan 2018-yilgacha “Paxtakor”da oʻynagan. 2019 va 2021-yillari “Soʻgʻdiyona” sharafini himoya qilgan. 2022-2024-yilgi mavsumlarni esa “Navbahor”da oʻtkazgan.
Yuqorida aytib oʻtganimizdek, bu yilgi chempionatda Boltaboyev “Neftchi” hamda “Navbahor”da toʻp surdi. Umumiy hisobda Jamshid joriy mavsumda 27 ta uchrshuvda maydonga tushdi va 2 ta golli uzatmani bajardi.
Futbolchi “Paxtakor”da ikki marta mamlakat chempionligiga ham sazovor boʻlgan.
Umid qilamizki, Boltaboyev yangi mavsumda jamoamizning gʻalabalariga oʻz hissasini qoʻshadi.
Jamshid, “Andijon”ning ahil oilasiga xush kelibsan!",-deb yoziladi klub rasmiy sahifasida.
