Jaloliddin Masharipov Qozog‘istonga murojaat qildi
O‘zbekiston milliy jamoasi yarim himoyachisi Jaloliddin Masharipov jamoaning Jahon chempionatiga chiqqani munosabati bilan Qozog‘iston muxlislariga video murojaat yo‘lladi.
Eslatib o‘tamiz, 5 iyun kuni Abu-Dabidagi hal qiluvchi o‘yinda terma jamoamiz BAAga qarshi durang qayd etib, ilk bor Jahon chempionati yo‘llanmasini qo‘lga kiritdi. Masharipov o‘yindan so‘ng maydonda turib, qo‘shni davlatdagi muxlislarga minnatdorchilik izhor etdi.
«Salom Qozog‘istondan! Qo‘llab-quvvatlaganingiz uchun katta rahmat. Sizlarga ham keyingi safar Jahon chempionatida ishtirok etish nasib qilsin. Ishonamanki, sizlar ham bunga erishasizlar!» — dedi futbolchi.
Uning samimiy so‘zlari ijtimoiy tarmoqlarda keng muhokamaga sabab bo‘ldi va qo‘shni xalqlar o‘rtasidagi do‘stona munosabatlarni yana bir bor namoyon etdi.
