Jahon chempionati yo'llanmasini qo'lga kiritgan 17 ta terma jamoa nomi ma'lum bo'ldi
Marokash terma jamoasi 2026 yilgi Jahon chempionatining final bosqichi yo'llanmasiga ega chiqdi.
E guruhidan Marokash milliy jamoasi o'z maydonida Nigerni qabul qilib tor-mor etdi – 5:0. Bu g'alabadan so'ng marokashliklar 6 o'yinda 6 g'alabaga erishgan holda 18 ochko bilan 1-o'rinni naqd qildi.
Hozirga qadar AQSH, Meksika va Kanada maydonlarida o'tadigan Jahon chempionatida qatnashadigan 48 ta jamoaning 17 tasi ma'lum bo'ldi: Kanada (mezbon), Meksika (mezbon), AQSH (mezbon), Yaponiya, Yangi Zelandiya, Eron, O'zbekiston, Janubiy Koreya, Iordaniya, Avstraliya, Argentina, Braziliya, Urugvay, Kolumbiya, Paragvay, Ekvador va Marokash.
Eslatib o'tamiz, futbol bo'yicha Jahon chempionati 2026 yilning 11 iyunidan 19 iyuligacha 3 ta mamlakat — AQSH, Meksika va Kanada mezbonligida o'tadi. Unda O'zbekiston terma jamoasi turnirdagi debyutini o'tkazadi.
