Italiyada yig'in o'tkazayotgan dzyudochilarimiz Eldor Shomurodov bilan uchrashishdi

Ayni kunlarda dzyudo bo'yicha O'zbekiston terma jamoasi Italiya poytaxti Rim shahrida o'quv-mashg'ulot yig'inini o'tkazmoqda. Kechagi kun futbolga befarq bo'lmagan dzyudochilarimiz — Muzaffarbek To'raboyev va Shaxzodxo'ja Sharipov, Italiya A Seriyasida to'rt mavsumdan buyon to'p surib kelayotgan, hozirda “Roma” klubi safida harakat qilayotgan milliy terma jamoamiz sardori Eldor Shomurodov bilan uchrashdi.

«Rimdagi xalqaro yig'in paytida futbolimiz yulduzi Eldor Shomurodov bilan ko'rishish nasib etdi. U bizga shahar tarixiy joylarini ko'rsatdi. Uchrashuv juda samimiy va iliq ruhda o'tdi. Eldor aka, bu go'zal lahzalar uchun minnatdormiz!», — dedi Muzaffarbek To'raboyev.

Bakradze Iman

Redaktor