Italiya kubogi. «Milan» «Latsio»ga mag'lub bo'lib, turnirni tark etdi
Bitta gol o'yin taqdirini hal qildi.
ФОТО: Getty images
Italiya kubogining 2025/2026 yilgi mavsumi 1/8 final bosqichida "Latsio" o'z maydonida "Milan"ni qabul qildi. Rimda o'tgan kurashlarga boy o'yin 1:0 hisobida mezbonlarning foydasiga hal bo'ldi.
80-daqiqada Nunu Tavaresh tomonidan uzatilgan burchak to'pini Mattia Dzakkan'yi bosh bilan darvozaga yo'llab, rimliklarni oldinga olib chiqdi.
Shu tariqa, "Latsio" musobaqaning chorak finaliga yo'l oldi, "Milan" esa Italiya kubogidagi ishtirokini yakunladi.
Italiya kubogi, 1/8 final
Latsio — Milan — 1:0
Gollar: 1:0 — Dzakkan'yi, 80'
Roziqjon Sultonmurodov
Jurnalist