Ispaniya Kubogi. «Real» 1/8 finalda «Albesete»ga magʻlub boʻlib, turnirni tark etdi
Ispaniya Kubogi 1/8 finalidan o‘rin olgan uchrashuv yakunlandi. Unda mamlakatning ikkinchi divizoni ligasi vakili «Albasete» va Madridning «Real» klubi o‘zaro bahs olib bordi. Uchrashuvda mezbonlar 3:2 hisobida g‘alaba qozondi.
42-daqiqada yarimhimoyachi Xavi Vilyar «Albasete»ni oldinga olib chiqdi. 45+3-daqiqada argentinalik Franko Mastantuono hisobni tenglashtirdi. 82-daqiqada hujumchi Xefte Betankor yana mezbonlarni hisobda oldinga chiqardi. 90+1-daqiqada hujumchi Gonsalo Garsiya «Real»ning ikkinchi golini urdi. 90+4-daqiqada esa Betankor yana gol urib, «Albasete»ga g‘alaba keltirdi.
Shu tariqa, Madridning «Real» klubi Ispaniya Kubogidagi ishtirokini yakunladi. «Albasete»ga qarshi o‘yin «qirollik klubi» uchun yangi bosh murabbiy Alvaro Arbeloa qo‘l ostidagi ilk uchrashuv bo‘ldi. Avvalroq mutaxassis bu lavozimda hamyurti Xabi Alonsoning o‘rnini egallagan edi.
Ispaniya Kubogi. 1/8 final
«Albesete» — «Real» 3:2
Gollar: Vilyar (42), Betankor (82, 90+4) — Mastantuono (45+3), Garsiya (90+1).
