Ispaniya Kubogi. «Barselona» safarda «Rasing»ni magʻlub etib, 1/4 finalga chiqdi
Ispaniya Kubogi 1/8 finalidan o‘rin olgan «Rasing» — «Barselona» uchrashuvi boʻlib oʻtdi. Mamlakatning ikkinchi kuchli ligasida ishtirok etuvchi «Rasing» o‘z maydonida Kataloniya grandini qabul qildi. Yakunda mehmonlar 2:0 hisobida gʻalaba qozondi.
O‘yindagi hisob 66-daqiqada «Barselona» hujumchisi Ferran Torres tomonidan ochildi. Qo‘shimcha vaqtning 90+5-daqiqasida esa Lamin Yamal ikkinchi golni urib, uchrashuvdagi yakuniy natijani belgilab berdi. Shu bilan birga, hakam «Rasing» tomonidan kiritilgan ikki to‘pni ofsayd sababli hisobga olmadi.
Eslatib o‘tamiz, Ispaniya Kubogi 1/16 finalida «Barselona» «Gvadalaxara» klubini 2:0 hisobida mag‘lub etgandi. «Rasing» esa mazkur bosqichda «Vilyarreal» ustidan 2:1 hisobida g‘alaba qozongan edi.
Ta’kidlash joiz, Ispaniya Kubogining amaldagi sohibi ham «Barselona» hisoblanadi. 2024/2025 yilgi mavsum finalida «ko‘k-anorranglilar» qo‘shimcha bo‘limlarda «Real»ni 3:2 hisobida taslim etgandi.
Ispaniya Kubogi. 1/8 final
«Rasing» — «Barselona» 0:2
Gollar: Ferran (66), Yamal (90+5).
