Ismael Kone muvaffaqiyatli operatsiya qilindi
Kanada terma jamoasi yarimhimoyachisi Ismael Kone kichik va katta boldir suyaklarining sinishi oqibatida muvaffaqiyatli operatsiya qilindi. Bu haqda Kanada milliy jamoasi matbuot xizmati X ijtimoiy tarmog‘ida xabar tarqatdi.
Shifokorlarning prognozlariga ko‘ra, futbolchi jarohatdan so‘ng to‘liq tiklanishga erishadi, biroq u 2026-yilgi Jahon chempionatining qolgan o‘yinlarida jamoasiga yordam bera olmaydi.
Eslatib o‘tamiz, JCh-2026 guruh bosqichining 2-turidan o‘rin olgan Qatar terma jamoasiga qarshi uchrashuvda (6:0) Kone 55-daqiqada raqib himoyachisi Assim Madiboning qo‘pol podkatidan so‘ng chap oyog‘idan og‘ir jarohat olgan va maydonni zambilda tark etgan edi.
Ma’lumot uchun, futbol bo‘yicha Jahon chempionati 11-iyundan 19-iyulga qadar AQSh, Kanada va Meksika maydonlarida bo‘lib o‘tmoqda. Amaldagi unvon sohibi Argentina terma jamoasi hisoblanadi.
