Islom Ahmedov «Andijon»da o'z vazifasida yil oxirigacha qoladi
Endilikda Ahmedov vaqtinchalik emas, balki to'laqonli ravishda rasman bosh murabbiyga aylandi.
Фото: Андижон ПФК
Shu yilning 14 aprel sanasida Islom G'ulomovich Ahmedov “Andijon” klubiga vaqtincha bosh murabbiy lavozimiga tayinlangandi.
Ortda qolgan vaqt davomida jamoa uning boshchiligida hozirga qadar Superliga va Kubok bahslarida umumiy hisobda 5 ta o'yinda 4 g'alaba va 1 durang qayd etdi.
Tabiiyki, natijalar ijobiy ko'rinish olgach, muxlislarda ham ijobiy kayfiyat hukm surmoqda.
Klub rahbariyati esa kamida mavsum oxiriga qadar Islom Ahmedovni bosh murabbiy lavozimida qoldirishga qaror qildi. Endilikda Islom Ahmedov vaqtinchalik emas, balki to'laqonli ravishda rasman bosh murabbiyga aylandi.
Roziqjon Sultonmurodov
Jurnalist
