Iraola – «Liverpul» bosh murabbiyi (Romano)
Ispaniyalik mutaxassis klubni boshqarishga tayyor.
ФОТО: Getty images
Ispaniyalik mutaxassis Andoni Iraola Arne Slot ishdan bo'shatilganidan so'ng "Liverpul"ning yangi bosh murabbiyiga aylanadi.
Bu haqda jurnalist Fabrizio Romano o'zining X ijtimoiy tarmog'idagi sahifasida ma'lum qildi.
Manbaning xabariga ko'ra, tomonlar o'rtasidagi muzokaralar barcha rasmiy jarayonlarni yakunlash maqsadida tez olib boriladi, ammo mersisaydliklar jamoani Iraola boshqarishiga qaror qildi.
43 yoshli mutaxassisning so'nggi klubi "Bornmut" bo'lib, u joriy mavsum yakunida jamoani tark etdi. Iraola qo'l ostida "olcha ranglilar" 57 ochko jamg'arib, oltinchi pog'onada joylashdi.
"Liverpul" 60 ochko bilan beshinchi o'rinni egalladi. Ispaniyalik mutaxassis "Bornmut"ni 2023 yilning yozidan buyon boshqarib kelayotgandi.
Roziqjon Sultonmurodov
Jurnalist
