Iraola «Kristal Pelas»ni boshqarmoqchi
"Bornmut" bosh murabbiyi Andoni Iraola "Milan" emas, aynan "Kristal Pelas"ga o'tishga qaror qilgani haqida La Gazzetta dello Sport xabar bermoqda.
Avvalroq "rossonerilar" 43 yoshli ispaniyalik mutaxassisga yiliga 4 million yevro maosh bilan uch yillik shartnoma taklif qilgani, bir kun avval esa "Milan" shartnomaning barcha tafsilotlarini tasdiqlash uchun Londonda Iraola bilan maxfiy uchrashuv o'tkazgani haqida xabarlar tarqalgan edi.
La Gazzetta dello Sport nashrining yozishicha, Iraola Italiya klubi rahbariyati uchun ustuvor nomzod bo'lgan, biroq uning o'tishi barbod bo'ldi. Ta'kidlanishicha, mutaxassis loyiha istiqboliga ishonch hosil qilmagan va uni juda murakkab deb hisoblaydi – u hech qachon ishlamagan ligasida jamoani yangi rahbariyat va futbolchilar bilan noldan qurishi kerak edi.
Iraola "Kristal Pelas"ni boshqarishga qaror qildi, bu haqda payshanba kuni e'lon qilinishi mumkin — u klubni tark etayotgan Oliver Glasner o'rnini egallaydi. London klubi unga Premyer-ligada ishlashni davom ettirish, shuningdek, katta byudjet bilan transfer bozorida faol ishtirok etish imkoniyatini taklif qilmoqda.
