Iraola «Chelsi»ni boshqarishni xohlamoqda — Romano
«Bornmut» bosh murabbiyi Andoni Iraola «Chelsi»ni boshqarish istagida. Ispaniyalik mutaxassisning «olchalar» bilan shartnomasi shu yozda o‘z nihoyasiga yetadi. Bu haqda jurnalist Fabrisio Romano xabar berdi.
Manbaning ma’lumotlariga ko‘ra, Iraola faoliyatini aynan Angliya chempionatida davom ettirmoqchi. Ayni damda «Chelsi» Liam Rosenyor iste’foga chiqarilganidan so‘ng, bosh murabbiy lavozimiga nomzodlarni o‘rganish uchun vaqt olgan. London klubi hozircha 43 yoshli mutaxassis bilan muzokaralar o‘tkazgani yo‘q.
Iraola 2023 yilning yozidan buyon «Bornmut»ni boshqarib kelmoqda. Angliya chempionatining 34 ta o‘yinidan so‘ng «olchalar» 49 ochko jamg‘argan holda yettinchi o‘rinni egallab turibdi. «Chelsi» esa 48 ochko bilan sakkizinchi pog‘onadan joy olgan.
