\"Inter\" Xojlundni o‘z safiga qo‘shib olmoqchi
"MYU" daniyalik futbolchi bilan xayrlashishga tayyor
Photo: Getty Images
“Manchester Yunayted” hujumchisi Rasmus Xojlund faoliyatini “Inter”da davom ettirishi mumkin. Bu haqda Fabrizio Romano xabar berdi.
Ma’lum bo‘lishicha, milanliklar 22 yoshli daniyalik futbolchini yozgi transfer oynasida o‘z safiga qo‘shib olishga urinib ko‘radi. Shuningdek, “Yuventus” va “Napoli” ham Xojlund atrofidagi voqealarni kuzatib bormoqda.
“MYU” ham futbolchi uchun yaxshi taklif tushsa, uni qo‘yib yuborishga tayyor. Avvalroq “qizil iblislar” uni tarkibda saqlab qolishi haqida xabarlar chiqqandi.
Roziqjon Sultonmurodov
Jurnalist
