“Inter” Pio Esposito bilan shartnomani 2032-yilgacha uzaytirdi
“Inter” hujumchi Franchesko Pio Esposito bilan shartnomani uzaytirganini rasman e’lon qildi. Yangi kelishuvga ko‘ra, 21 yoshli italiyalik futbolchi 2032-yil 30-iyungacha Milan klubi sharafini himoya qiladi.
Esposito “Inter” akademiyasiga 2014-yilda qo‘shilgan va klub tizimida bosqichma-bosqich rivojlangan. U asosiy jamoada ham o‘z o‘rnini topishga muvaffaq bo‘ldi. Hujumchi “Inter” safida jami 53 ta uchrashuv o‘tkazib, 12 ta gol urgan va 8 ta golli uzatma qayd etgan.
Joriy A Seriya mavsumida Esposito uchta uchrashuvda maydonga tushib, bir gol va bir assist qayd etdi. “Inter” esa dastlabki uch turdan maksimal 9 ochko jamg‘argan. Klubning yosh hujumchi bilan uzoq muddatli kelishuv imzolashi uning kelajakdagi rejalarda muhim o‘rin tutayotganini ko‘rsatadi.
