«Inter Mayami» Suares bilan shartnomani uzaytirdi

“Inter Mayami” klubi Luis Suares bilan yangi shartnoma imzolaganini e'lon qildi.

Qayd etilishicha, urugvaylik futbolchi Florida klubi bilan 2026 yil oxirigacha mo'ljallangan shartnomani imzo chekkan.

Ma'lumot uchun, 38 yoshli hujumchining amaldagi bitimi shu yil oxirida tugardi.

Joriy mavsumda Suares 50 ta bahsda maydonga tushib, 17 ta gol va xuddi shuncha assistni o'z hisobiga yozdirib qo'ydi. Umumiy hisobda Luis mayamiliklar safiga kelganidan beri 87 ta o'yinda 42 ta gol urgan va klub tarixidagi eng yaxshi ikkinchi to'purarga aylangan.

Roziqjon Sultonmurodov

Jurnalist