«Inter Mayami» MLS pley-offiga yo'l oldi
Florida klubi Sharqiy konferensiya turnir jadvalida 3-o'rinni egallab turibdi.
ФОТО: Getty images
"Inter Mayami" MLS pley-off bosqichiga yo'l oldi.
Xavier Maskerano boshchiligidagi jamoa muntazam chempionat doirasida "Nyu-York Siti" (4:0) ustidan qo'lga kiritilgan g'alabadan so'ng pley-off ishtirokchisiga aylandi.
Florida klubi ketma-ket uchta o'yinda g'alaba qozondi. Bungacha klub "Sietl Saunders" (3:1) va "Di Si Yunayted"ni (3:2) mag'lub etgandi.
"Inter Mayami" 29 o'yinda 55 ochko to'plagan holda Sharqiy konferensiya turnir jadvalida 3-o'rinni egallab turibdi.
Ikkinchi o'rinda "Tsintsinnati" (58 ochko, 31 o'yin), birinchi o'rinda esa "Filadelfiya Yunion" (60 ochko, 31 o'yin) bormoqda.
Roziqjon Sultonmurodov
Jurnalist