«Inter» «Man Siti» himoyachisini sotib olmoqchi
Transfer narxi taxminan 15 mln yevroga baholanmoqda.
FOTO: Getty Images
Milaning «Inter» klubi «Manchester Siti» himoyachisi Manuel Akanjini 15 mln yevro evaziga to‘liq sotib olmoqchi. Bu haqda taniqli insayder Fabritsio Romano ijtimoiy tarmoqlarda xabar berdi.
Manbaga ko‘ra, «Inter» rahbariyati Akanjini sotib olish qarorida qat’iy turib olgan. Ayni vaqtda shveysariyalik futbolchi milanliklar safida ijara asosida to‘p surmoqda. Ijara shartnomasi kelasi yozga qadar amal qiladi va shundan so‘ng «Inter» futbolchini «Manchester Siti»dan to‘liq transfer qilish imkoniyatiga ega bo‘ladi.
Manuel Akanji 2025 yil sentyabr oyida «Inter»ga ko‘chib o‘tgan. Shu vaqt davomida u barcha musobaqalarda 25 ta uchrashuvda maydonga tushdi.
Nasrullo Karimov
Jurnalist