«Inter» «Jenoa» himoyachisi Leo Estigorga qiziqish bildirmoqda
Milanning «Inter» klubi «Jenoa» hamda Norvegiya terma jamoasi himoyachisi Leo Estigorni oʻz safiga qoʻshib olish imkoniyatlarini koʻrib chiqmoqda. Bu haqda La Repubblica nashri xabar bermoqda.
«Neradzurrilar»ning norvegiyalik futbolchiga boʻlgan qiziqishi uning ampluadoshi Stefan de Vreyning klub bilan shartnomasini uzaytirmasligi va shu yozda jamoani tark etishi kutilayotgani bilan izohlanmoqda. Taʼkidlanishicha, Estigor «Inter» uchun mudofaa chizigʻini kuchaytirish variantlaridan biri boʻlib turibdi.
Leo Estigor professional darajada muqaddam «Hoffenhaym», «Renn», «Napoli» va bir qator boshqa jamoalar safida toʻp surgan. U muqaddam 2022-yilda ijara asosida «Jenoa»da oʻynagan edi, 2025-yilning yozida yana «grifonlar» tomonidan ijaraga olindi, joriy yilning yanvar oyida esa genuya klubi bilan toʻlaqonli shartnoma imzoladi.