«Inter» Arauho'ni o'z safiga qo'shib olmoqchi
Hozircha Arauho bo'yicha rasmiy muzokaralar o'tkazilmagan.
ФОТО: Getty images
Inter klubi Barcelona himoyachisi Ronald Arauho'ga qiziqish bildirmoqda. Bu haqda Sport.es nashri xabar berdi.
Manbaga ko'ra, neradzurrilar kataloniyaliklar qiziqish bildirgan Alessandro Bastoni bo'yicha muzokaralar muvaffaqiyatsiz yakunlansa, Arauho'ni transfer qilish variantini ko'rib chiqadi. Bunday holatda milanliklar almashtirish taklifi bilan birga, unga qo'shimcha pul ham taklif qilishga tayyor.
Hozircha Arauho bo'yicha rasmiy muzokaralar o'tkazilmagan, biroq Inter himoya chizig'ini kuchaytirish imkoniyatlarini faol o'rganmoqda.
Joriy mavsumda Arauho Barcelona safida 37 ta o'yinda ishtirok etib, 4 ta gol urgan.
Roziqjon Sultonmurodov
Jurnalist