«Inter» Akanjini sotib olishga qaror qilgan
Milanliklar futbolchini 15 million yevro evaziga sotib olish bandini faollashtirishni rejalashtirgan.
ФОТО: Getty images
"Inter" rahbariyati "Manchester City"dan himoyachi Manuel Akanjini to‘liq sotib olish niyatida. Bu haqda insayder Fabrizio Romano ma’lum qildi.
Manbaga ko‘ra, italiyaliklar 30 yoshli shveysariyalik futbolchining o‘yinidan mamnun va uni to‘liq sotib olishga shubha qilmayapti.
Qayd etilishicha, milanliklar futbolchini 15 million yevro evaziga sotib olish bandini faollashtirishni rejalashtirgan. Joriy mavsumda himoyachi "neradzurrilar" safida ijarada to‘p surmoqda.
Manuel klub safida barcha musobaqalarda jami 25 ta o‘yinda maydonga tushdi.
Roziqjon Sultonmurodov
Jurnalist