Immobile va Bernardeschi \"Bolonya\"ga o'tadi

Futbol 02 iyl 2025 da 16:55

Bahrom Bobonov

Redaktor

Chiro Immobile va Federiko Bernardeschi "Bolonya"ga o'tadi. Bu haqida insayder Fabrizio Romano xabar berdi.

Ta'kidlanishicha, Immobile "Beshiktosh" bilan 2026 yilgacha mo'ljallangan shartnomasini bekor qildi va "Bolonya" bilan 1+1 shartnoma imzolaydi. Bernardeschi “Toronto”ni erkin agent sifatida tark etib, A Seriya klubiga kelib qo'shiladi.

Immobile 207 ta gol bilan "Latsio" tarixidagi eng yaxshi to'purari bo'lib, 2024 yilda Rim klubini tark etgan. 2024/25 yilgi mavsumda Chiro Turkiya chempionatida 15 ta gol urib, "Beshiktosh"ning eng yaxshi to'purari bo'ldi.

Bernardeschi 2025 yilda MLSda “Toronto” tarkibida 15 ta o'yin o'tkazib, 4 ta gol urdi va 3 ta golli uzatmani amalga oshirdi.