Ilyos Zeytullaev: Darvozabonimizning xatosidan keyin biz to'xtab qoldik
Superliganing 22-turi doirasida OKMK - "Bunyodkor" bahsidan keyin mehmonlar bosh murabbiyi Ilyos Zeytullaev fikr bildirdi.
"Bunday o'yinlar g'alabalardan ko'ra ko'proq dars beradi. Bazida ishlar yaxshi ketyapti deb o'ylayotganingda shunday o'yinlar bizni fikrlashga, o'sishga undaydi.
Hisob 2:1 paytida biz o'ynayotgandik, hatto bunday og'ir maydonda o'ynasak ham. Yigitlarga oson bo'lmadi. Birinchi bo'limda nimalardir qilishga harakat qildik. Darvozabonimizning xatosidan keyin biz to'xtab qoldik. Ha, bunday holatlar ham bo'lib turadi.
Bunaqasi boshqa bo'lmasligi kerak. Bugun tarkibda ko'plab yosh futbolchilar maydonga tushdi. OKMK jamoasida bir hafta oldin "So'g'diyona"ga qarshi bahsda ham shunday holat bo'lgandi. Bu futbol",-dedi mutaxassis.
