Ilhom Mo‘minjonov: «Hozir asosiy e’tiborimiz «Yaypan» bilan o‘yinga qaratilgan»
"Metallurg" jamoasi "A" guruhida OKMK, "Aral" hamda "Qo‘qon-1912" klublari bilan bellashadigan bo‘ldi.
Jamoa bosh murabbiysi Ilhom Mo‘minjonov qur’a yakunlari bo‘yicha fikrlari bilan o‘rtoqlashdi.
"Assalomu alaykum. Rostini aytaman, hozir bor e’tiborim chempionatda. Aprel oyida 25 kun ichida 6 o‘yin kutib turibdi — 2 tasi safarda, 4 tasi uyda. Mashg‘ulotdan avval kubok qur’asini kuzatdik. Ikki o‘yinni o‘z maydonimizda o‘tkazamiz, birinchi o‘yinimiz safarda ekan. Kubok o‘yinlariga keladigan bo‘lsak, may oyida bo‘lib o‘tadi. Kubokning 2 o‘yinini o‘z maydonimizda o‘tkazishimiz qandaydir motivatsiya berishi tabiiy. Superliganing ikki vakili, OKMK va Qo‘qon ("Qo‘qon-1912") jamoalariga qarshi va "Aral" jamoasi bilan o‘ynaymiz, PRO Liga jamoasi.
Baribir hozir murabbiylar shtabi ham, futbolchilar ham faqatgina chempionatni o‘ylayapmiz. Ta’kidlab o‘tganimdek, 1 oyda biz 6 ta o‘yin o‘tkazamiz. Hozir birinchi navbatda xayolimizni faqat "Yaypan" bilan safardagi o‘yinga qaratganmiz".
