Husanov da’vogarlik qilgan sovrinni Niko Orayli qo‘lga kiritdi
Bu haqda jamoa rasmiy sayti xabar bermoqda.
Фото: Manchester City
Angliyaning «Manchester Siti» klubida aprel oyining eng yaxshi futbolchisi deb akademiya tarbiyalanuvchisi Niko Orayli topildi.
O‘zbekistonlik himoyachi Abduqodir Husanov ham mazkur e’tirof uchun asosiy da’vogarlar qatorida edi.
21 yoshli Angliya terma jamoasi a’zosi aprel oyida Premyer-liga hamda Angliya kubogi doirasidagi barcha 5 ta o‘yinda Pep Gvardiola jamoasining g‘alaba qozonishiga sezilarli hissa qo‘shgan. Xususan, «Chelsi»ga qarshi safardagi uchrashuvda (3:0) hisobni ochuvchi muhim golga mualliflik qilgan.
Aprel oyi yakunlariga ko‘ra o‘tkazilgan so‘rovnomada Orayli jamoadoshlari Abduqodir Husanov va Bernardu Silvadan ko‘proq ovoz to‘plashga erishdi.
Roziqjon Sultonmurodov
Jurnalist