Hududiy futbol akademiyalari sport direktorlari «Krasnodar» futbol klubi akademiyasida boʻlib qaytdi
Avval xabar berganimizdek, 11–18-may kunlari hududiy futbol akademiyalari sport direktorlari Rossiyaning “Krasnodar” futbol akademiyasida boʻlib, akademiya faoliyati bilan yaqindan tanishdi.
Hududiy futbol akademiyalari sport direktorlari mashgʻulot jarayonlari, seleksiya tizimi, analitika, jismoniy tayyorgarlik, tibbiyot va psixologiya boʻlimlari faoliyatini oʻrgandi. Shuningdek, akademiya mutaxassislari va murabbiylari bilan tajriba almashilib, bir qator uchrashuvlar tashkil etildi.
Mutaxassislarimiz “Krasnodar” akademiyasining turli yosh toifalaridagi mashgʻulotlari hamda rasmiy uchrashuvlarini kuzatdi. Yakunda ikki tomon oʻrtasida hamkorlik memorandumi imzolandi.
Mazkur safar ikki tomonlama hamkorlikni rivojlantirish hamda yosh futbolchilar tayyorlash tizimini yanada takomillashtirish yoʻlida muhim qadam boʻldi.
