Horst Steffen — \"Werder\" bosh murabbiyi
Avvalroq bremenliklar Oli Vernerni iste'foga chiqargandi
Photo: Getty Images
Horst Steffen “Werder”ga yangi bosh murabbiy etib tayinlandi. Bu haqda klub rasmiy sayti xabar berdi.
Manbaga ko‘ra, klubni avval Oli Verner boshqarib kelgan. Biroq tomonlar shartnomani uzaytirish bo‘yicha kelishuvga erisha olmagani sababli u iste'foga chiqarilgan.
Steffen “Elversberg” klubini 2018 yildan beri boshqarib kelayotgandi. O‘tgan mavsumda jamoa bilan Germaniya 2-divizionida 58 ochko to‘plab, 3-o‘rinni egalladi. Bundesligaga yo‘llanmani hal qiluvchi pley-off bahsida “Heidenheim”ga mag‘lub bo‘lib, ligada qoldi.
“Werder” esa o‘tgan mavsumda Bundesligada 8-o‘rinni egalladi. Bremen klubi 51 ochko to‘pladi.
