Hin jarohati sababli JCH–2026ning qolgan qismini o‘tkazib yuboradi
“Atalanta” va Shvetsiya milliy terma jamoasi himoyachisi Isak Hin jarohati tufayli Jahon chempionati–2026dagi ishtirokini muddatidan oldin yakunlagani haqida bayonot berdi.
Futbolchi jarohatni guruh bosqichining 3-turida Yaponiya bilan bo‘lib o‘tgan va 1:1 hisobida yakunlangan uchrashuvda olgan edi.
“Orzuim ushaldi, ammo afsuski, men uchun u kutganimdan erta tugadi. Birinchi kundanoq bizni qo‘llab-quvvatlagan barcha shved muxlislariga rahmat — sizlar ajoyibsizlar. Jamoa do‘stlarim va terma jamoadagi barcha murabbiylarga, futbolchi erishishi mumkin bo‘lgan eng yaxshi tajriba uchun cheksiz minnatdorchilik bildiraman.
Quvonchli va og‘ir damlarda doimo yonimda bo‘lgan oilam va yaqin do‘stlarimga minnatdorchiligimni so‘z bilan ifoda etish qiyin. Oldinga, Shvetsiya! Men albatta qaytaman”, — deb yozdi Hin ijtimoiy tarmoqdagi sahifasida.
Eslatib o‘tamiz, Shvetsiya milliy terma jamoasi 1 iyul kuni Jahon chempionati–2026 1/16 finali doirasida Fransiya terma jamoasiga qarshi maydonga tushadi.
