Harri Keyn Chempionlar Ligasi to‘purarlari ro‘yxatida kuchli o‘nlikka kirdi
Myunxenning «Bavariya» klubi hujumchisi Harri Keyn UEFA Chempionlar Ligasi 1/8 finali doirasidagi «Atalanta»ga qarshi bahsda (4:1) dubl qayd etdi. Shu tariqa, angliyalik futbolchining qit’aning eng nufuzli turniridagi gollari soni 66 ta o‘yinda 50 taga yetdi.
Ushbu natija orqali Keyn o‘z faoliyatini 48 ta gol bilan yakunlagan Andrey Shevchenko va Zlatan Ibragimovichdan o‘zib ketdi. Shuningdek, u hisobida 49 ta gol bo‘lgan afsonaviy Alfredo Di Stefanoni ham ortda qoldirishga muvaffaq bo‘ldi.
Hozirda Harri Keyn musobaqa tarixidagi eng yaxshi to‘purarlar ro‘yxatida 50 ta gol bilan Muhammad Saloh va Tyerri Anri hamda bilan birgalikda 10-pog‘onani egallab turibdi. Mazkur ro‘yxatda «Sporting», «Manchester Yunayted», «Real» va «Yuventus» klublari safida jami 140 ta gol urgan Krishtianu Ronaldu peshqadamlik qilmoqda.
