Haris Tabakovič «RB Zaltsburg»ga o‘tishga rozilik berdi
Uning «Hoffenhaym» bilan amaldagi shartnomasi 2027 yil 30 iyungacha tuzilgan.
ФОТО: Getty images
«Hoffenhaym» hujumchisi Haris Tabakovič Avstriyaning «RB Zaltsburg» klubiga o‘tishga yakuniy rozilik berdi. Bu haqda jurnalist Florian Plettenberg xabar berdi.
Manbaga ko‘ra, klublar transferning barcha shartlari bo‘yicha kelishuvga erishgan. Bitim qiymati taxminan 5 million yevroni tashkil etadi.
32 yoshli bosniyalik forvard yaqin kunlarda tibbiy ko‘rikdan o‘tib, 2029 yilgacha amal qiladigan shartnoma imzolaydi.
2025/26 yilgi mavsumda Tabakovič barcha musobaqalarda 35 ta uchrashuvda maydonga tushib, 15 ta gol va 2 ta golli uzatmaga mualliflik qilgan.
Uning «Hoffenhaym» bilan amaldagi shartnomasi 2027 yil 30 iyungacha tuzilgan. Transfermarkt futbolchining bozor qiymatini 3,5 million yevro deb baholamoqda.
Roziqjon Sultonmurodov
Jurnalist