\"Hall Siti\" Mourinyo orzu qilgan futbolchini sotib olmoqda

Angliyaning "Hall Siti" klubi "Benfika" yarim himoyachisi Joau Veloz bilan shartnoma imzolash arafasida. Avvalroq ushbu futbolchini Joze Mourinyo ham "Real Madrid" safiga olib kelishni istagani haqida xabarlar tarqalgandi.

Ma'lumotlarga ko‘ra, 20 yoshli portugaliyalik futbolchi yaqin kunlarda tibbiy ko‘rikdan o‘tadi va shundan so‘ng transfer rasman e'lon qilinishi kutilmoqda. Bitim "Hall Siti" uchun yozgi transfer oynasidagi eng muhim xaridlardan biri bo‘lishi mumkin.

Joau Veloz "Benfika" akademiyasi tarbiyalanuvchisi hisoblanadi va Portugaliyaning eng istiqbolli yarim himoyachilaridan biri sifatida e'tirof etiladi. Uning o‘yinni boshqarish qobiliyati va texnikasi ko‘plab Yevropa klublarining e'tiborini tortgan edi.

Nasrullo Karimov

Jurnalist