Hakim Ziyech faoliyatini La Ligada davom ettirishi mumkin
Marokash terma jamoasi hujumchisi Hakim Ziyech faoliyatini La Ligada davom ettirishi mumkin. Bu haqda AS nashri xabar bermoqda.
Manbaga ko'ra, forvard "Sevilya"ning e'tiborini tortgan. Biroq, qishda amalga oshishi mumkin bo'lgan transfer ispan klubining moliyaviy qiyinchiliklari sababli so'roq ostida.
"Sevilya" jamoasi maoshdan qutulish uchun avvalo darvozabon Alvaro Fernandes bilan xayrlashishi kerak.
Shuningdek, marokashlik futbolchini Italiya "Fiorentina" klubi ham kuzatib borayotgani qayd etilgan. Ayni damda Ziyech erkin agent hisoblanadi.
O'tgan mavsumda u avvaliga "Galatasaray", keyin esa Qatarning "Al-Duhail" jamoasida o'ynadi. “Chelsi”ning sobiq futbolchisi bu ikki klub safida 24 ta o'yin o'tkazib, bitta gol urdi va ikkita golli uzatmani amalga oshirdi.
