Gvardiola Rodrining jarohati va tiklanish muddati haqida gapirdi

«Manchester Siti» bosh murabbiyi Pep Gvardiola yarimhimoyachisi Rodrining sogʻligʻi va uning «Vilyarreal»ga qarshi uchrashuvda maydonga tushish imkoniyatlari haqida fikr bildirdi.

«Rodrining «Vilyarreal»ga qarshi oʻyinda maydonga tushishiga shubham bor. Ehtimol, u «Aston Villa» bilan bahsni ham o‘tkazib yuboradi. Muammo jiddiy emas — bu mushakdagi yengil shikastlanish. Ammo biz ehtiyotkorlik bilan harakat qilishimiz kerak.

Shunga o‘xshash jarohatlarning oldini olishga urindik, ammo ularni toʻliq bartaraf eta olmadik. Voqealar qanday kechishini koʻramiz», — dedi Gvardiola.

Maʼlumot uchun, «Manchester Siti» va «Vilyarreal» oʻrtasidagi uchrashuv bugun, 21 oktyabr kuni Toshkent vaqti bilan soat 00:00 da start oladi.

Nasrullo Karimov

Jurnalist