Gvardiola: «Rahbariyat bizni doim qoʻllab-quvvatladi, bundan faxrlanaman»
«Manchester Siti» bosh murabbiyi Xosep Gvardiola murakkab davrlarda klub rahbariyatining ko‘rsatgan qo‘llab-quvvatlashini yuqori baholadi. U misol tariqasida o‘tgan mavsumni keltirdi: o‘sha paytda «shaharliklar»ning natijalari va o‘yini beqaror bo‘lgan, ammo Gvardiola so‘zlariga ko‘ra, rahbariyat jamoaga jiddiy yordam ko‘rsatgan.
«O‘tgan mavsum voqealarini eslaganimda, biz klub sifatida erishgan natijalarimiz bilan faxrlanaman. Va qiyinchiliklarni qanday yengib o‘tganimiz bilan ham faxrlanaman. Klub rahbariyati bizni doim qo‘llab-quvvatladi, doimo ruhlantirdi: “Oldinga, oldinga, oldinga!” Bunday narsa faqat shu ajoyib klubda mumkin!» — deydi Gvardiola.
Eslatib o‘tamiz, o‘tgan mavsum «Manchester Siti» Angliya Premer-ligasida uchinchi o‘rinni egallagan.
