Gvardiola: «Juda yaxshi oʻyin koʻrsatdik, natijadan mamnunman»
«Manchester Siti» bosh murabbiyi Pep Gvardiola Chempionlar ligasi umumiy bosqichining 3-turida «Vilyarreal» ustidan qozonilgan (2:0) gʻalaba haqida fikr bildirdi.
«Biz juda yaxshi oʻyin koʻrsatdik. Toʻgʻrisi, ikkinchi boʻlimning 20 daqiqasi davomida raqib bizdan ustun oʻynadi. Ammo hammasi joyida, kayfiyat a’lo, men natijadan juda mamnunman. Gollarni oʻz vaqtida urdik.
Endi Chempionlar ligasida ketma-ket ikkita oʻyinni oʻz maydonimizda oʻtkazamiz. Har birida uch ochkodan olishimiz kerak. Turnirda muvaffaqiyatli davom etish uchun ochko yigʻishni davom ettirishimiz zarurligini tushunamiz», — dedi Gvardiola.
Maʼlumot uchun, «Manchester Siti» YChLning navbatdagi turida «Borussiya Dortmund»ga, «Vilyarreal» esa «Pafos»ga qarshi bahs olib boradi. Uchrashuvlar 5 noyabr kuni boʻlib oʻtadi.
