Gvardiol «Manchester Siti» bilan shartnomasini uzaytirdi — Romano

Xorvatiya terma jamoasi himoyachisi Yoshko Gvardiol «Manchester Siti» bilan shartnomasini uzaytirdi. Bu haqda jurnalist va insayder Fabrizio Romano X ijtimoiy tarmog‘ida xabar berdi.

Manbaga ko‘ra, tomonlar 2031 yilning yozigacha mo‘ljallangan mehnat shartnomasini imzolagan. Ta’kidlanishicha, klub xorvatiyalik futbolchini jamoaning asosiy o‘yinchilaridan biri sifatida ko‘rmoqda.

Gvardiol 2023 yilning yozidan buyon «shaharliklar» safida to‘p surib kelmoqda. Shu vaqt ichida xorvatiyalik futbolchi Angliya jamoasi safida 122 ta o‘yinda ishtirok etib, 13 ta gol urdi va 10 ta golli uzatmani amalga oshirdi.

Transfermarkt portalida taqdim etilgan ma’lumotlarga ko‘ra, futbolchining bozor qiymati 70 million yevroni tashkil etadi.

Roziqjon Sultonmurodov

Jurnalist

0 0 0 0 0 0