«Guliston» jamoasi 29 iyundan mashg‘ulotlarga qaytadi
AQSH, Meksika va Kanada mezbonlik qilayotgan jahon chempionati munosabati bilan Birinchi liga jamoalari ham yozgi ta’tilga yo‘l olgandi.
“Guliston” jamoasi ham “Jizzax FA”ga qarshi bahsdan keyin futbolchilarga qisqa muddatli dam berishga qaror qilgandi. Endilikda jamoa 29 iyundan yana mashg‘ulotlarga qaytadi.
Yozgi yig‘in davomida futbolchilarning jismoniy holatini tiklash va mavsumning qolgan qismiga yaxshilashga e’tibor qaratiladi. Shuningdek, “Bunyodkor”, “Metallurg”, “Kattaqo‘rg‘on” va “G‘azalkent” jamoalari bilan nazorat o‘yinlari tashkil etiladi.
“Shuningdek, seleksiya ishlari ham davom ettiriladi. Yig‘inga bir qator tajribali va yosh o‘yinchilar ham taklif etiladi hamda tarkib shakllantiriladi. Bu borada klub rahbariyati va murabbiylar shtabi faol tarzda shug‘ullanmoqda”, - deyiladi xabarda.
